სს „ყაზტრანსოილი“ მარტში გეგმავს, რომ ქაშაგანის საბადოდან ექსპორტისთვის აქტაუს პორტში, ბაქოს პორტის მიმართულებით 7 ათასი ტონა ნავთობი სატესტო რეჟიმში გადაზიდოს.
„კაშაგანის ნავთობს შპს INPEX North Caspian Sea გადაზიდავს“, - ნათქვამია ყაზახური კომპანიის განცხადებაში.
კასპიის ნავთობსადენის ექსპლუატაცია, რომელიც უზრუნველყოფს ნავთობის მიწოდებას ნოვოროსიისკის პორტში რუსეთის შავი ზღვის სანაპიროზე, რუსეთსა და უკრაინას შორის მიმდინარე შეიარაღებული კონფლიქტის ფონზე რამდეგჯერმე შეჩერდა. ევროპაში, ექსპორტირებული ყაზახური ნავთობის დაახლოებით 80 პროცენტი სწორედ ამ ნავთობსადენით გადის.
მანამდე ყაზახეთის პრეზიდენტმა ყასიმ-ჟომართ თოყაევმა განაცხადა, რომ ტრანსკასპიური მარშრუტით ნავთობის ტრანსპორტირება წელიწადში 20 მილიონ ტონამდე გაიზრდება.
