არგენტინაში წლიური ინფლაცია ბოლო სამი ათწლეულის მაქსიმუმზეა. 1991 წლის შემდეგ პირველად არგენტინაში ინფლაციამ 100%-ს გადააჭარბა. სახელმწიფო სტატისტიკის სააგენტო Indec-ის მონაცემებით, თებერვალში ფასები 6,6%-ით გაიზარდა, წერს FT.
ბოლო მონაცემებით, არგენტინას ახლა მსოფლიოში ერთ-ერთი ყველაზე მაღალი ინფლაციის მაჩვენებელი აქვს. ამ მიმართულებით პოზიციებს მხოლოდ ზიმბაბვეს, ლიბანის, ვენესუელასა და სირიას უთმობს.
ამ კვირაში საერთაშორისო სავალუტო ფონდმა მოუწოდა არგენტინას მეტი გააკეთოს ინფლაციის წინააღმდეგ საბრძოლველად, რათა ვაშინგტონის კრედიტორებთან 44 მილიარდი დოლარის პროგრამა შეინარჩუნოს.
